Rrustem Geci: B R U T Ë T – poezi nga libri “Trokitje çame”

19/12/2017 Kultura

Tema të tjera...

Çasti është shqiptarët të bashkohemi
çasti është të bëjmë një bashkështet
çamët dhe arvanitët jemi vëlla, një
gjuhë, një alfabet, dhe një tërësi etnike.

Këtu është Shqipëri dhe askund tjetër
këtu është Kosovë dhe askund tjetër
këtu dhe gjithandej është Çamëria
këtu dhe gjithandej është Kumanova

Ngritu Çamëri, flamurja e Shqipërisë,
lufta me fqinjët ende s´ ka mbaruar,
Bashkimi i Shqipërisë kudo na thërret,
Kosova Shqipëri është zëri i Devollit.

Çamëria Shqipëri është zëri i Janinës,
Çamëria Shqipëri është zëri Prevezës,
Çamëria Shqipëri është zëri i Filatit,
Çamëria Shqipëri është bashkimi ynë.

Çasti është shqiptarët të bashkohemi,
në një bahkështet dhe nën një flamur,
Folë atdheu ynë i ndarë, folë Shqipëri,
Devolli njeh Republikën e Çamërisë!..

Fol muzë e ngadhnjimit të artit
fletë e çdo dite, muaji dhe viti
kjo kohë më bën të vet-digjem
për kryengritjet e mia në poezi

Rritu bimë e gjuhës dhe e fjalës
ti që vjen nga gjiri tragjik i jetës
ji shpërthim i flakëve të shpirtit
je lavdi e kraharorit të përgjakur

Në shpirtin vullkanor të poezisë
bërë i kam betejat e secilit varg
Në biosin e gjerë të këtij himni
Jam një pasagjer i planetit tokë

Shqipëri, unë e ti jemi shqiptar
që nga pellazgët e lashtë e Iliria
vendi ynë qé shesh i luftrave
dhe arenë gjaku e perandorive

Kosovë, kryengritëse e këngës
çmenduri timen, e kam poezinë
Në trup ende kam plagë gjaku
nga fqinjët, që tokat m´i morën!

2
———————————————–

Liri, bëje dorën grusht mos u jep
me emrin tënd u rritëm betejave
për ty dashuruam mes plumbave
për ty i ramë grusht pushtuesit.

Nuk ka paqe për lumin me vaj
nuk ka paqe për lumin e ndarë
Të rënët do të bëhen më të rinj
Në një kohë tjetër, më çlirimtare!..

Rritu pemë e fjalës dhe gjuhës
ti që vjen nga gjiri tragjik i jetës
je shpërthim i flakëve të shpirtit
je atdheu i engjëjve të shenjtë…

Sa shumë vetmi në një jetë poeti
në pasqyrë i shoh armiqtë e mi
kjo botë qenka vërtet një përrallë,
prapa na ndjekin cezarë të tërbuar!…

Shqipëri, gjak yjesh të ekuinoksit
unë kërkoj hënën që e pa Homeri
këtë jetë e çmoj si forcë krijuese
Shqipëri ka vetëm në gjuhën time!…

3
———————————————-

Çamëri-Shqipëria ime e dashur
mungesën tënde e ndiej në shpirt
fjala shqipe tek ti është burgosur
gjuha në luftë është një ogur i mirë

Liri, qyteti më i bukur i zemrës
me duart tona ty po të rilindim
të bashkuar bëhemi të fuqishëm
Shqipëri ka vetëm në gjuhën time!..

Rrustem Geci – Dortmund, 2017

Rrustem Geci: Gjegj Kastrioti – Skënderbeu- p o e m ë

Në bashkësinë e kombeve
në historinë e luftrave
nuk ka një hero të ngjashëm
që mund ta ngrejë aq lart
emrin e dhéut dhe të atdhéut
dhe emrin e popullit të tij
sa trimi ynë, Gjergj Kastrioti – Skënderbeu
Në kohën e Babushit tonë
Shqipëria ishte një tërësi
e zgjuar në çastet e kohës.
E zgjuar për luftë dhe beteja.
Nën qeverisjen e Gjergjit
edhe guri kishte kurajon
që atdheun e shqiponjave
askush të mos e lakmojë.
Në atë epokë të ndritur
Gjergj Kastrioti, – Skënderbeu
i bashkoi gjithë shqiptarët
në luftë kundër osmanëve…

2
Në takimet e tij në Durrës
në Vlorë, Korçë e Gjirokastër
në Shkodër, Shkup e Kosovë
në Preshevë e në Çamëri,
Gjergji e bashkoi popullin,
që populli ynë t´i përgjigjej
proceseve të qytetërimit!..
Në Thanë ai i foli popullit:
“S´di çfarë ju bën të dashur,
s´di çfarë ju bën të lumtur,
por nën tehun e shpatave
me shpatë duhet të luftojmë!”
Dorëheqje nga liria nuk ka!
Pra, para se t´ia behë lufta,
para se të vijnë Osmanët këtej
këtu ishte Gjergj Kastrioti
biri i Shqipërisë – trimi ynë,
Ai që në çastet më të vështira
I doli zot të katër Vilajeteve.
Gjergji i dha shkëlqim tokës
Ai i çau të gjitha rrethimet
që Shqipëria të mos shkilet.

3
Në njëzet e katër luftra,
në njëzet e katër beteja
në njëzet e katër fitore,-
Gjergji ishte lavdia jonë;
Ai që i dha përgjigje kohës
të rrojë për jetë Shqipëria!
– Princa të mirë të Arbrit
i fliste Këshillit të luftës:
mos u ligështoni, mbahuni,
jini në detyrë të atdheut!
Përbashkohuni!Mos u ndani
të mbrojtur vetë Shqipërinë,
veten dhe gjënë e gjallë!..
Lufta na bënë nder të gjithëve
që liria të jetë Shqipëri,
që liria të jetë shqiptare,
dhe liri të jetë flamuri ynë.
Princa të zgjuar të Arbrit,
lufta është ekuacion me
Shumë të panjohura,
kjo luftë kundër pushtimit
është luftë për Shqipërinë!..

4
Princa të nderuar të Arbërit,
princa të paqes dhe të luftës,
gjaku i lirisë sonë nuk tretet
edhe sikur të na vrasin , edhe
sikur të na mundin e therin;
farë e huaj këtej s´do të mbijë
Shqipëria është gjak i stërmoçëm,
gjak i shkruar nëpër epoka
gjak i shkruar në faqe malesh
në gryka lumejsh, nëpër libra e dëftere
Në këtë vend shumë të pasur
me klimë të butë dhe me det
të gjitha parajsat janë këtu;
për të lindur e për të palindur!
Këtë pasuri të dhënë nga zoti
duhet ta ruajmë e ta mbrojmë!
Shqipërinë ta bëjmë më të fortë
të qëndrueshme dhe moderne.
Shqipërisë sot i duhen fitoret
mbase vetëm me fitore mund
të shkruajmë gurin e pashkruar!

5
Shqiptarë të të gjitha vilajeteve
këtë tokë me det dhe me diell
që ne e quajmë Shqipëri,
vetë duhet t´i dalim zot; për
këtë kam urdhër nga zemra,
nga toka, nga dielli, – nga ai lart,
që humbjet të mos i ndjejmë.
Shqiptarët duhet të jemi gati
Ta mbajmë njëri-tjetrin, ta duam
se i munduri çdoherë paguan,
gjobën e rëndë të pushtimit.
Në këtë orë të proceseve,
në këtë orë të historisë sonë,
Shqipëria është gjaku ynë
Adresa jonë në këtë botë !