Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Rusia ka paralajmëruar Shtetet e Bashkuara që të mos sulmojë forcat qeveriare siriane sepse një veprim i tillë do të mund të shkaktonte“ pasoja të tmerrshme jo vetëm” në Siri “por në gjithë rajonin si tërësi”. Paralajmërimi i Rusisë vjen pasi Uashingtoni është duke konsideruar opsionet në Siri përderisa forcat siriane dhe ruse vazhdojnë të bombardojnë nga ajri por edhe të sulmojnë në terren zonat e kontrolluara nga rebelët në veri të qytetit të Halepit. Zëdhënësja e ministrisë së jashtme ruse, Maria Zakharova ka paralajmëruar se ndryshimi i regjimit në Siri mund të lë boshllëk, të cilin do ta shfrytëzonin forcat kryengritëse. Në sulmet e fundit mbi Halep sipas grupit monitorues, avionët luftarakë sirianë kanë hedhur bomba me fuçi të jashtëzakonshme në njërën prej spitaleve më të mëdha në qytet duke e shkatërruar tërësisht atë. Tensionet mes Rusisë dhe Amerikës janë përshkallëzuar që prej prishjes së armëpushimit në Siri muajin e kaluar, por Uashingtoni nuk po tregon guzim as vendosmëri për t iu kundërvënë forcave ruse.
