Sadik Halitjaha- Ka ditë që kam firmosur një shkresë-propozim për emërtimin e Shtëpisë së Kulturës në Shtime, me emrin e Profesor Ahmet Qeriqit

Dua publikisht të arsyetoj dhe të argumentoj firmën time pse duhet me patjetër që Shtëpia e Kuluturës në Shtime ta mbajë emrin e profesor Ahmetit.

Prof. Ahmet Qeriqi, një gjeni i kohës sonë, një njeri shumëdimensional në të gjitha fushat e njerëzimit, me plot kuptimin e fjalës, ishte dhe mbetet një enciklopedi e kompletuar në kulturë, histori, gjuhësi, letërsi, shkrimtar, njohës dhe përkthyes i shumë gjuhëve, shumë dokumenteve e librave me vlerë, duke ndriçuar Betejën e Kosovës në kohën e mesjetës!

Vlera, kontributi, veprimtaria, lartësia dhe shumëdimensionaliteti i Heroit, shkrimtarit, profesorit, dijetarit, edukatorit kombëtar dhe luftëtarit çlirimtar e bëjnë të pa krahasueshëm me askënd tjetër të ditëve tona! Në përpjekje për të gjetur krahasim më të përafërt dhe më të ngjashëm se Hasan Peishtina, nuk na vjen askush!

Çlirimtari Ahmet Qeriqi duhet edhe zyrtarisht të nominohet Hero Kombëtar! Lum si ne që bashkë krijuam e bashkëluftuam me këtë vigan të madh, jemi krenarë të gjithë. Ju familjarët, ju populli i Shtimes, që do të nderoni këtë emër të Shtëpisë së Kulturës, Ahmet Qeriqi!

Ka vite që njof profesor Ahmetin. Tani Ai është në botën e amshuar, por mendoj unë që tek tani do të filloj prezantimi jetësor, e profesional i tij.

Profesor Ahmet Qeriqi, Shtimes i ka dhënë emër në shumë dimensione që nga rinia e tij e hershme e deri në ditët e fundit të jetës së tij.

Do të mundohem të radhis disa nga krijimet e profesor Ahmetit.

Ai, si gjimnazist kishte shkruar një dramë për teatër që më vonë ishte vënë në skenë nga nxënësit e tij.

Profesor Ahmeti kishte vënë bazat e sistemit edukativ arsimor në nivel komunal e më gjerë.

Ai si mësimdhënës kishte brumosur me idetë e tija atdhetare, përparimtare, revolucionare nxënësit e tij, që më vonë shumë nga TA do të përjetësohen në Altarin e Lirisë.

Profesor Ahmeti, në Luftën e UÇK-së, ishte kuadër i lartë dhe mbante kontakte me luftëtarë të dalluar, kontributi i tij veq tjerash është dëshmuar edhe kur i besohet drejtimi i Radios Kosova e Lirë, që nga 4 janari 1999 e deri më 7 mars 2025.

Profesor Ahmet Qeriqi ishte ai që e përjetësoi me fakte e argumente „Masakrën e Reçakut“ në librin e botuar para dy dekadave. Më vonë e realizoi dokumentarin „ SAGA E REÇAKUT“ , me ç’rast pas shfaqjës së dokumentarit në Shtëpinë e Kulturës në Shtime ambasadori Wiliam Woker, kishte kërkaur ta takonte autorin. Ai iu drejtua me fjalët: Unë qe 15 vite vij në Reçak me 15 janar, por asnjëhere nuk kam pasur kaq shumë njohuri për Reçakun, sa u informova në këtë dokumentar , andaj të përgëzoj për këtë“…

Profesor Ahmeti, ka përjetësuar qindra Dëshmorë në biografi të komunës së Shtimes, por edhe të mbarë Kosovës, disa nga ta edhe ne filma dokumentarë.

Ahmet Qeriqi, është autor i mbi 20 librave, tekstshkrues i mbi 1 000 biografive për Dëshmorët e Kombit. Autor i dhjetra filmave dokumentarë. Autor i mijëra shkrimeve në fusha të ndryshme si në lajme, informacion, kulturë, tema historike, analiza, komente, personaliteteve, fejtone, botime, kronist i mbi 400 ditëve të luftës etj etj.

Profesor Ahmeti shumicën e intelektualëve të komunës së Shtimes i kishte intervistuar në Tv Dielli, duke iu dhënë hapsirën e nevojshme e duke i promovuar ata.

Profesor Ahmeti ka realizuar dhjetra dokumentarë për personalitete kombëtare ndër ta edhe Sefë Kosharën etj…

Profesor Ahmeti një jetë të tërë e ka shkrirë për komb e atdhe.

Andaj vendosja e emrit të profesor AHMET QERIQIT, Shtëpisë së Kulturës i bënë nderë Shtimes me rrethinë.

I tërë kombi shqiptar duhet të jetë krenar për njeriun e madh dhe të pavdekshëm, Ahmet Qeriqi! Urime emri i Shtëpisë së Kulturës në Shtime, ky emër që ndriçon tërë Kosovën dhe shqiptarët! Lavdi veprës dhe jetës së Ahmet Qeriqit!

Sadik Halitjaha

2 prill 2025