Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ra duke luftuar me datë 13 nëntor 1944. Ishte komandant i Kompanisë së dytë të Batalionit I të Brigadës së 24 sulmuese të Kukësit , e cila që më datë 11 nëntor ishte vendosur nga dalja e Tiranës( nga Autoreparti deri në kodrat e Domje) në krahun e djathtë te rrugës së Durrësit ,me detyrë që në bashkëpunim me brigaten e X sulmuese dhe batalionin “ Antonio Gramshi”, të vendosur në krahun e majtë , në kodrat e Kasharit , të mos lejonin hyrjen dhe daljen e forcave gjermane nga qyteti i rrethuar i Tiranës.Për të zbatuar detyrën kompanitë kishin ndërtuar barrikada në rrugë.
Më 13 nëntor u zhvilluan luftime të ashpra. Për të carë rrugën nazistët vunë në përdorim mjete të blinduara. Dy tanke dhe një autoblindë pas tyre u sulën drejt barrikadës së kompanisë së dytë.Tanket filluan të shtinë me top mbi barrikadë për ta carë atë me plasjen e predhave , ndërsa autoblinda i mbronte duke hapur zjarr vazhdimisht. Partizanët përgjigjen me zjarrin e armëve të tyre.
Ndeshja bëhet e ashpër dhe .tanket i drejtohen barrikadës. Komandanti i kompanisë, Vehbi Shehu, me granata dhe me një pushkë antitanke në dorë u sul drejt tankut të parë dukë qëlluar mbi të. Ishte 6-7 metra afër tankeve dhe po hidhte granatat kundër tyre kur në një çast autoblinda e qëllon për vdekje.Në atë ndeshje vriten edhe dy partizanë të tjerë të kompanisë.Por gjermanët nuk e kapërcyen barrikadën dhe u rikthyen prapë në qytet.
Vehbi Shehu lindi në Bicaj të Lumës, në një familje të shquar për atdhetari. U përfshi që herët në Lëvizjen antifashiste Nacionalçlirimtare,(ishte komunist,) në fillim si komandant njësiti gueril, pastaj rreshtohet në Çetën e Lumës , në batalionin partizan e në Brigatën e 24 S dhe ka marrë pjesë në gjithë veprimtarinë luftarake të tyre.
Shkolla 9 vjecare në Bicaj mban që pas Clirimit ( atëhere 7 vjecare )emrin e Vehbi Shehut.
Burime :
1-Lista e Dëshmorëve të nënprefekturës së Lumës .(Arkivi Qëndror i Forcave te Armatosura të RSH, fondi : “Komanda e Qarkut Kukës” ,Viti 1944 Dosja nr 5,f.3, nr rendor 6: “ Vehbi Shehi,komandant kompanie në Brigatën e XXIV,vjec 38,vra kundra okupatorit gjerman në shlirimin e Tiranës”).
2-Dëshmorët e Atdheut . Tiranë 2012, botim i Ministrisë së Mbrojtjes,ISBN : 978-99943-51-93-0.f.138,faqe 138 rreshti 22 ( shënim im : është shkruar gabim emri : Veli në vend të Vehbi)
3- Historia e Luftës Antifashiste Nacionalclirimtare,të Popullit Shqiptar ( 1939-1944) Tiranë 1988,Shtepia botuese “8 nentori”,vellimi IV,f771,773-4,792,797.
4- Historiku i Luftës Nacionalclirimtare të rrethit të Kukësit ( Maket).f.67.nr 13, përgatitur mars-shtator 1969 dhe kreu i VIII i tij i përgatitur ne korrik 1983 ( maket)
5-Ndreko Rino ,“ Pëllëmbë e gjak “
6-Kujtime të Rasim Gurit f.177.( botuar në monografinë “ Luftëtari i lirisë. Tiranë 2010. ISBN : 978-99956-14-61-4. )
7- Tregim i bashkëluftëtarit , partizanit Sadik Kërxhaliu, botuar në faqën 58 të librit
“ 1200 luanët nëpër alpet e Shqipërisë “ të Dr. Vangjel Kasapit, Tiranë 2004.
8- Në flakë e zjarr me pushkë në dorë.Botim i Komitetit të Veteranëve te Luftës Muzeut rrethit te Kukësit ,viti 1974, f.56-59.
9- Ahmet Onuzi ,Kujtime lufte, 1939-1944 ( doreshkrim, ne arkivin e familjes se tij)
10- Hazir Asllan Onuzi, Autobiografi ( doreshkrim, ne arkivin e familjes se tij)
Tiranë, 27 tetor 2014.
