Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i demokratëve të “Foltores”, Sali Berisha, në një deklaratë për shtyp, ka akuzuar drejtësinë dhe qeverinë Rama, të cilët sipas tij janë përpjekur të asgjësojnë me çdo kusht opozitën. Në kundërshtim me çdo lloj parimi dhe ligji, PD-ja, forca kryesore opozitare u fut në zgjedhje pa logo dhe emri i kryetarit të koalicionit u refuzua në mënyrën më staliniste. Të gjitha këto kishin për qëllim zhdukjen e opozitës. Tani procesi ka mbaruar. Çfarë ndodhi? 500 mijë shqiptarë votuan opozitën. Edhe Ilir Ilir Meta, pas takimit me Sali Berishën, ka dhënë një deklaratë për mediat pranë selisë së PD-së. Ai ka shprehur zhgënjim nga rezultatet zgjedhore duke fajësuar qeverinë për tjetërsim votash dhe shkatërrim të procesit zgjedhor. Ky shkatërrim, tjetërsimi i votës, po dokumentohet dhe do fillojë procesi i kontestimit ligjor dhe përshkallëzimit të veprimit opozitar, në emër të mbrojtjes së votës së lirë. Koalicioni “Bashkë Fitojmë” i drejtuar nga Ilir Meta pësoi një humbje të thellë, duke fituar vetëm 7 bashki të vogla, ndërkohë që edhe në Këshillat Bashkiak, nuk arritën të kryesojnë në asnjë bashki. Ndërkohë në kampin opozitar kanë nisur zërat për largimin e Sali Berishës dhe riformatimin e Partisë Demokratike, si e vetmja mënyrë për ta kthyer opozitën në shinat e duhura.
