Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sali Berisha dhe mbështetësit e tij që u paraqiten si anëtarë të Grupit të Rithemelimit, nuk do të jenë më pjesë e Partisë Demokratike dhe Grupit Parlamentar të PD-së. Ata u përjashtuan nga partia pas një mbledhjeje të Kryesisë që zgjati 8 orë në selinë e PD-së. Vendimi për përjashtimin e tyre si edhe zhveshjen e mbështetësve të tjerë të Berishës nga detyrat në parti ishte unanim, ndërkohë janë zbardhur diskutimet që u bënë gjatë mbledhjes së gjatë. Gjatë fjalës së tij, Ervin Salianji i ka quajtur akte para politike ato që ndodhën në selinë e PD-së mesditën e 8 janarit duke theksuar se dhuna është kufiri tek i cili ndahet çdo përfaqësues i Partisë Demokratike. Ky diferencim duhet të jetë edhe për të mos përjashtuar të gjithë, duhet të japim mundësinë e reflektimit dhe distancimit nga dhuna pjesëmarrësve që mund të jenë aty dhe jam i bindur që janë aty për shkak te zhgënjimit dhe dëshpërimit të mos fitores në 25 Prill! Nxitja për dhune dhe perkrahja e dhunës duhet të jetë kriteri ndarës për përjashtimin ose bashkëjetesën, nëse ka kolegë që pranojnë rrezikimin e jetës dhe eleminimin fizik të drejtuesve të degëve, të Këshillit Kombëtar, deputetëve kjo është vijë ndarëse dhe këtu nuk i kemi përjashtuar në por ata”, tha ndër të tjera Salianji.
