Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Emisari gjerman për Ballkanin Perëndimor, Manuel Sarrazin, ka përfunduar vizitën e parë zyrtare në Kosovë dhe tha se po kthehet në Hamburg me përshtypje të mira për Kosovën. “Rrugës për në Hamburg me plot mbresa nga Kosova. Faleminderit për diskutimet intensive dhe të hapura. Mirupafshim për tani!”, ka shkruar Sarrazin në Twitter. “Pozicioni i Gjermanisë është i qartë: Kosova është zemra e Europës dhe përket në Këshill të Europës. Dje, e sigurova ministren e Jashtme, Donika Gërvalla, për mbështetjen tonë për anëtarësim”, ka shkruar sot Sarrazin në Twitter. Sarrazin nuk përcolli vetëm mesazhin e Gjermanisë për përkrahje të pakursyer për Kosovën në rrugën e saj drejt anëtarësimit në organizatën e të drejtave të njeriut, por ai iu dha shpresë qytetarëve të Kosovës edhe për një proces të tejzgjatur – heqjen e regjimit të vizave.
