Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i Shteteve të Bashkuara të Amerikës, në Beograd, Kyle Scott, ka thënë se Uashingtoni nuk tërheq “vija të kuqe” kur është fjala për zgjidhjen e çështjes së Kosovës. Në thelb të marrëveshjes Kosovë-Serbi duhet të jetë njohja reciproke. Në një intervistë për të përditshmen serbe “Kurir”, Scott ka thënë se Uashingtoni do të mbështes çdo zgjidhje për të cilën merren vesh të dyja palët, e e cila mund të qëndrojë dhe të jetë afatgjate. “Ne nuk tërheqim ‘vija të kuqe’, nuk përcaktojmë se çfarë do të ndodhë, dhe nëse ajo që ata merren vesh stabilizon rajonin, nëse ajo mund të zbatohet dhe të jetë e përhershme, atëherë me siguri se do ta mbështesim. Presim që vet palët të arrijnë marrëveshje nën ombrellën e Bashkimit Evropian. Nuk ka zgjidhje për Kosovën siç është spekuluar ditëve të fundit, sepse mediet serbe lirshëm spekulojnë pa asnjë fakt, ka saktësuar ambasadori Scott.
