Së shpejti lëshohet uji i pijes në 5 fshatra dhe kalojnë nën menaxhim të Kompanisë  Hidromorava

12/11/2020 Institucionet

Me qëllim të harmonizimit për marrëveshjen që parasheh kalimin nën menaxhim të ujit të pijes në kompaninë e ujërave “Hidromorava”, për 5 fshatra të komunës së Vitisë, si dhe për shqyrtimin e finalizimit të punëve të rrjeteve të ujësjellësit nëpër disa fshatra, sot kryetari i komunës së Vitisë Sokol Haliti, ka pritur në takim drejtorin regjional të kompanisë së ujërave “Hidromorava”, Muhamet Suliqi dhe Astrit Vokshin nga CDI.

Temë bisede ishte përgatitjet për lëshimin e ujit të pijes në fshatrat Sadovinë e Çerkezëve, Sllatinë e Epërme, Sllatinë e Poshtme,  Sadovinë e Jerlive dhe Tërstenik, si dhe për mënyrën që kjo të kaloj nën menaxhim të Hidromoravës, për çka edhe u dakorduan që të kryhen gjitha procedurat e nevojshme dhe pas dy javësh, në mënyrë ceremoniale, të bëhet nënshkrimi i kalimit të menaxhimit. Ky projekt, u realizua nga të hyrat vetanake të Komunës së Vitisë dhe në mbështetje të Zyrës Zvicerane për Bashkëpunim në Kosovë, si dhe Qeverisë së Kosovës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara