Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Seanca e jashtëzakonshme e Kuvendit shtyhet për të premten, në orën 10:00. Seanca ishte paraparë të fillonte dje në orën 11:00, është shtyrë për nesër në orën 10:00. Këtë e bëri të ditur kryetari i Kuvendit, Kadri Veseli, në një adresim të tij para deputetëve. Ai si gjithnjë shprehu optimizmin e tij për arritjen e një konsensusi lidhur me çështjen e demarkacionit me Malin e Zi. Kuvendi i Kosovës në seancën e jashtëzakonshme nuk arriti fillojë shqyrtimin lidhur me përcaktimin e kufirit me Malin e Zi, për shkak të dyshimit se nuk do të votojnë 80 deputetë meqë ka mosmarrëveshje lidhur me raportin e prezantuar. Deputeti i Aleancës për Ardhmërinë e Kosovës, Rasim Selmanaj, ka thënë se nëse nuk votohet raporti i komisionit të Shpejtim Bulliqit, ai do të jetë kundër demarkacionit me Malin e Zi. Kundër futjes në votim të këtij raporti kanë marrë qëndrim edhe deputetët e LDK-së, të cilët kanë thënë se do të votojnë kundër nëse raporti i Bulliqit përfshihet në marrëveshje. Në anën tjetër Lëvizja Vetëvendosje ka paralajmëruar se do të votojë kundër, ashtu sikur edhe deputetët e Listës serbe.
