Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Njëri nga gjashtë themeluesit e Shtabit të Nën-Zonës Operative të Karadakut. Komandant i Brigadës 173 ”Gursel dhe Bajram Sylejmani”, Selami Neziri, Duke u bazuar në reagimet e veteranëve anë e kënd Kosovës, gjithashtu duke e analizuar edhe listën e Zonës Operative të Karadakut ku mbi 60% janë veteranë të vërtete, konstaton se kjo listë është hartuar dhe është publikuar nga njerëz dashakëqinjë dhe me tendencë që të na fyejë edhe më shumë. Këtë luftë speciale kundër veteranëve të vërtetë të Ushtrisë Çlirimtare të Kosovës mund ta ndalojmë ne vet, veteranët duke ngritur aktakuzë: kundër atyre që e përpiluan këtë listë, kundër atyre që kanë dhënë informata të rrejshme dhe kundër medieve të cilat kanë publikuar emrat e veteranëve të paverifikuar nga gjykata. Të gjithë veteranët e vërtetë të cilët gjenden në këtë listë duhet të dëmshpërblehen për komprometim. Kështu që ata të cilët ndjehen të prekur të fillojnë procesin gjyqësor. Ligji duhet të vlejë për të gjithë njësoj; për veteranët mashtrues, për informatorët mashtrues dhe për mediet që publikojnë informata të pa verifikuara, thuhet në një shkrim të eprorit të UÇK-së gjatë luftës, Selami Neziri
