Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nën-kryetari i komunës së Prishtinës, Selim Pacolli ka inspektuar disa nga punimet infrastrukturore që janë në realizim e sipër në kryeqytet e në të cilët nuk janë bërë investime me dekada të tëra. “Sot, bashkë me Drejtorin e DIKMK-ve z. Gëzim Mehmeti, inspektuam punimet që po zhvillohen në brendinë e Kryeqytetit! Rrugët Demë Ali Pozhari, Nimete Progonati, Emin Sinani, Deme Ali Pozhari, Gani Kelmendi, Jeton Kabashi, Mustafa Kruja, Shaip Kamberi dhe rruga Mentor Retkoceri në lagjen e Kodra e Trimave! Në shumicën e këtyre rrugëve vetëm se kanë përfundua punimet, kurse në disa akoma po punohet me dinamikë të paraparë, përfshi edhe punët e instalimeve nëntokësore. Në shumicën e këtyre rrugëve, për më shumë se 45 vite nuk është investua asnjëherë. Tatimet dhe kontributet e qytetarëve, duhet të kthehen në infrastrukturë”, ka shkruar ai.
