Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ëndrra e sëmurë serbe, deri në morbiditet, për t’ u kthyer si fitimtarë në Kosovë, përngjet me atë ëndrrën e gomarit, të cilin kur po e hante ujku, thoshte mbase kësaj here jam ëndërr. Këtë ëndërr e ka parë edhe krimineli serb, në postin e të ashtuquajturës Asamble Kombëtare të Serbisë, Veljko Odaloviq. Ai ka deklaruar se pasi amerikanët u tërhoqën nga Afganistani, kjo do të thotë se talibanët kanë mposhtur Shtetet e Bashkuara dhe britanikët dhe të gjithë ata që kanë luftuar kundër tyre. Odaloviq, dhe të tillët nga grigja e kriminelëve e vrastarëve serbë duket se ende nuk e kanë kuptuar se ishin shqiptarët ata që luftuan dhe çliruan Kosovën me ndihmën e NATO-s, ndërsa serbët në krye me Milosheviqin e tyre vrastar e kriminel e nënshkruan kapitullimin dhe ikën përgjithmonë nga Kosova. Bota nuk ka parë serbë të kenë luftuar kundër amerikanëve, por ka parë Serbinë e bombarduar jo vetëm nga NATO-ja që cilës i printe Amerika e pasuar me shtet e saj anëtare, ku tani ndodhet edhe Shqipëria.
Serbët e sojit të Odaloviqit duhet ta dinë edhe një të vërtetë të hidhur për ta, se nëse ndodh që Amerika të largohet nga Kosova, atëherë brenda një dite shqiptarët do të bashkohen në një Shqipëri unike, të cilën ata do ta quajnë, Shqipëria e Madhe nga e cila frikësohen si djalli nga temjani. Ëndrra e vrastarëve serbë, për t u kthyer sërish në vendin e krimit, është ëndërr tipike e sojit të kriminelëve e vrastarëve, të cilët për mrekulli i ka përshkruar shkrimtari i madh rus dhe botëror, Fjodor Dostojevski. Ndërsa shkrimtari i madh boshnjak, Mesha Selimoviq në një roman të tij ka shkruar se ata janë si fëmijët e papërgjegjshëm, mizorë nga veprat e tyre, por fëmijë për nga mendja. Mendja e sëmurë serbe kërkon të kthehet edhe më tej, prej Vjenës e deri në Stamboll ku ata mendojnë se janë toka serbe, por tash për tash janë rrudhë e tkurrë nga Nishi deri në Beograd. (RKL)
