Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nën nxitjen e Brukselit, Beogradi po bën çmos që ta çrrënjos nga kujtesa tragjedinë në Srebrenicë. Kryeministri serb, Aleksandër Vuçiq, ka bërë me dije se Serbia do të ndajë 5 milionë euro si donacion për nxitjen e zhvillimit ekonomik në qytetin boshnjak të Srebrenicës. Ky veprim është lartësuar në Serbi, por është parë me skepticizëm gjithandej Bosnjës. Zemërimi shtohet edhe më kur dihet se Rusia, e mbështetur prej Serbisë dhe shtetit të saj satelit në Bosnjë, ka përdorur veton ndaj draftit të rezolutës në Këshillin e Sigurimit të Kombeve të Bashkuara që do të dënonte “krimin e gjenocidit”. Për shumicën e boshnjakëve, plagët e Srebrenicës janë ende të freskëta për masakrën më të rëndë pas LDB, ku forcat serbe masakruan 8 mijë djem e burra boshnjakë. Sead Numanoviq, ish-kryeredaktor i gazetës ‘Avaz’, ka tërhequr vërejtjen se veprimi i Beogradit paraqet përpjekje për pastrimin e historisë. “Serbët po mundohen ta ndryshojnë perceptimin për veten kur vjen puna te Srebrenica”, ka deklaruar ai.
