Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti amerikan dhe njohësi çështjeve të Ballkanit, Daniel Serwer, ka përgëzuar kryeministrin Avdullah Hoti për parimet që integriteti territorial i Kosovës të jetë i panegociueshëm. Serwer ka lavdëruar edhe qëndrimin se dialogun duhet ta udhëheqë kryeministri, ndërsa ka theksuar se ende është pikëpyetje nëse Thaçi do të tërhiqet nga angazhimi i kahershëm me presidentin Aleksandar Vuçiq në dialog. Nga ana e Serbisë nuk mund të ofrohet shpresë për arritjen e një marrëveshjeje duke iu referuar qëndrimit të presidentit serb se “nëse vetëm kërkohet – që Serbia ta njohë Kosovën, t’i japë fund kësaj çështjeje, sigurisht se s’do të ndodhë”. Ai mendon se pengesa më e madhe për marrëveshje mund të jenë raportet mes Amerikës dhe BE-së. Ata janë në mes të një lufte se kush duhet të udhëheqë dialogun. Zgjidhja e duhur është që ata të bashkëpunojnë, por negociatori amerikan është kritik i BE-së në përgjithësi dhe Gjermanisë në veçanti, përderisa evropianët kanë dy negociatorë nga shtetet që nuk e njohin Kosovën. Marrëveshja mund të përfshijë edhe aktin për mos të dënuar krimet e luftës. Server mendon se ka gjasa që Beogradi dhe Prishtina të jenë pajtuar, lidhur me këtë çështje.
