Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës Kosovare të Biznesit, Agim Shahini ka tërhequr vërejtjen se paralajmërimi se gjatë vitit 2023 rritja ekonomike do të jetë vetëm 3 për qind, është shqetësuese. Ai ka shtuar më tutje se Qeveria Kurti po mburret për rritjen e të hyrave në buxhet, por në fakt ato para janë “ngujuar” pasi nuk ka investime kapitale dhe qarkullim të parasë. “Janë rreth 760 milionë euro të cilat tashmë janë më tepër e që Qeveria nuk ka ditur t’i shpenzojë dhe nuk po i shpenzon. Kjo nuk është për mburrje se “ne kemi para dhe nuk po i shpenzojmë”. Por kjo është një mangësi, pasi po marrim para nga qytetarët dhe nuk kemi projekte për t’i shpenzuar. Qeveria e Kosovës duhet të marrë masa urgjente që krahas rritjes së shërbimeve të çmimeve të shikojë rritjen e standardit jetësor, gjithsesi duke futur paranë në qarkullim, duke mos e ruajtuar atë, por duke e investuar në projekte kapitale që në mënyrë zingjirore kjo do të ndikojë pozitivisht në rritjen e ekonomisë”, ka deklaruar për Ekonomia Online, kryetari i Aleancës Kosovare të Biznesit (AKB), Agim Shahini.
