Shala dhe Vokrri: Pranimi i Kosovës në FIFA është ngjarje madhore për futbollin e Kosovës

16/05/2016 Institucionet

Ministri i Kulturës, Rinisë dhe Sportit, Kujtim Shala, ka pritur në Aeroportin “Adem Jashari” Fadil Vokrrin pas kthimit të tij nga Meksika, ku mori pjesë në kongresin e FIFA-së.

Pranimi i Kosovës në FIFA është ngjarje madhore për futbollin e Kosovës, për shtetin tonë dhe për të ardhmen e rinisë, u shpreh Shala. Ai më tej e falënderoi Fadil Vokrrin për punën e madhe disavjeçare që ka bërë për futbollin e Kosovës dhe për meritat e jashtëzakonshme për këtë sukses historik.

Po ashtu ministri Shala u shpreh se do të vazhdojë bashkëpunimi i ngushtë me FFK-në, në funksion të përmirësimit të infrastrukturës sportive në vend dhe ngritjes cilësore të futbollit tonë.

Ndërsa Fadil Vokrri e falënderoi ministrin Shala për bashkëpunimin e deritanishëm dhe u shpreh se kjo praktikë e mirë e bashkëpunimit do të vazhdojë edhe në të ardhmen në të mirë të futbollit të Kosovës.

Me këtë rast, Vokrri ia dorëzoi ministrit Shala në mënyrë simbolike emblemën e FIFA-së.

Kontrolloni gjithashtu

Smajl Latifi: Në 26-vjetorin e rënies heroike përkujtuam dëshmorët e kombit, Visar Hotin dhe Safet Latifin

Kryetari i komunës së Rahovecit, z. Smajl Latifi, në 26-vjetorin e rënies heroike, në vendin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara