Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati për kryetar të Prizrenit, Shaqir Totaj, i shoqëruar nga Kryetari i Ferizajt, Agim Aliu ka prezantuar në detaje dy prej projekteve më të mëdha infrastrukturore në Komunën e Prizrenit. Ndërtimin e parkut të ri mbrapa Shtëpisë së Bardhë me 690 vend-parkingje të reja dhe nënkalimin parë në qytetin tonë, ish BVI – Bazhdarhane me rreth 200 metra. Kryetari Totaj ka thënë se “këto dy projekte do të krijojnë lehtësira të mëdha qarkullimi, do të ofrojnë mundësi relaksimi e aktivitetesh për qytetarët dhe rritje të kapaciteteve të parkingjeve për turistët”. Do të ketë vende parkingu shtesë dhe hapësira rekreative e kulturore për rininë e Prizrenit. Ne kemi bërë analizat dhe projeksionet tona, ky projekt është i domosdoshëm për lirimin e fytit të ngushtë, do të zgjidh çështjen e parkingjeve dhe do të kemi dhe hapësira shtesë për rininë” u shpreh Totaj.
Me këtë rast kryetari i Ferizajit, Agim Aliu ka folur rreth përvojës së tij të ndërtimit të nënkalimit të njohur në Ferizaj. Unë shprehem i bindur se Shaqir Totaj do të realizoj shumë projekte të tilla dhe do të inicojë prosperitet, zhvillim dhe funksionalizim urban në qytet” u shpreh Agim Aliu.
