Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shtetet e Bashkuara të Amerikës dhe Bashkimi Evropian kërkojnë themelimin e Asociacionit të komunave me shumicë serbe. Zëdhënësi i BE-së, Peter Stano, thotë se për Asociacionin nuk ka ndryshuar as qëndrimi i Unionit. “Qëndrimi ynë nuk ka ndryshuar. Kosova ka hyrë në marrëveshje për themelimin e Asociacionit. Kjo marrëveshje është lidhur me mirëbesim nga të gjitha palët e përfshira. Nuk është tërhequr asnjëherë”, tha Stano. Duke kujtuar se Marrëveshja e vitit 2013, u ratifikua në Kuvend me 2/3 e votave të deputetëve, Stano thotë se Kosova ka obligim ndërkombëtar që ta zbatojë atë. Kryeministri Albin Kurti e kishte shpallur të vdekur Asociacionin, duke thënë se formimi i tij i shkon për shtati vetëm Beogradit dhe duke përsëritur se ajo marrëveshje ishte shpallur jo kushtetuese nga Gjykata Kushtetuese e Kosovës. Stano, thekson se në BE, presin që “Kosova t’i respektojë zotimet që ka marrë në Dialog”.
