Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëdhënësja e ambasadës së Shteteve të Bashkuara të Amerikës në Prishtinë, Michelle Schon ka vlerësuar lart mbarëvajtjen e procesit zgjedhor. Ajo ka thënë se Shtetet e Bashkuara të Amerikës shpresojnë që Kosova sa më parë ta formojë Qeverinë. Ne e kuptojmë se të gjithë presin certifikimin e numërimit të votave nga ana e Komisionit Qendror të Zgjedhjeve. Pasi që të certifikohet vota ne shpresojmë se shpejt do të formohet një qeveri, e cila do të mund të fillojë t’i zgjidhë problemet akute, gjë që do ta avancojë zhvillimin politik dhe ekonomik të Kosovës, integrimin e saj euroatlantik dhe stabilitetin rajonal. Vonesat e gjata në formimin e Qeverisë nuk janë në interesin më të mirë të Kosovës, ekonomisë së saj dhe popullit të saj, ka theksuar zëdhënësja e ambasadës së Shteteve të Bashkuara të Amerikës në vendin tonë, Michelle Schon.
