Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shoqata e të Burgosurve Politikë e Kosovës shpreh publikisht shqetësimin dhe indinjatën e thellë lidhur me aktivitetin e Komunës së Prishtinës në sheshin “Adem Demaçi”, zhvilluar më 7 gusht 2017. Në këtë aktivitet Komuna e Prishtinës shpalli përurimin e të ashtuquajturit “Parku i të Martuarve”, gjë që shkon ndesh me vendimin e mëhershëm të saj kur kjo hapësirë është emërtuar sheshi “Adem Demaçi”. Shoqata e të Burgosurve Politikë e Kosovës nuk është kundër aktiviteteve në sheshin “Adem Demaçi”, por është kategorikisht kundër ndryshimit të emrit dhe të destinimit të këtij sheshi. Shoqata e konsideron të papranueshëm çfarëdo veprimi që do të mund të kuptohej a interpertohej si ndryshim eventual i emrit të frymëzuesit dhe prijatarit të lëvizjes çlirimtare e demokratike, ose që do të cënonte apo përdhoste në çfarëdo mënyre natyrën e rrezatimit të emrit Adem Demaçi. Shoqata kërkon nga Komuna e Prishtinës të sqarojë opinionin publik për veprimtarinë e djeshme në sheshin “Adem Demaçi.”
Prishtinë 8 gusht 2017
