Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i politikës së jashtme dhe sigurisë së Bashkimit Evropian, Josep Borrell, do të organizojë një drekë pune për liderët e Ballkanit Perëndimor në New York, të mërkurën. Njoftimi është bërë i ditur nga KE, në një komunikatë që përshkruan aktivitetet e zyrtarëve të BE-së gjatë sesionit të 79-të të Asamblesë së Përgjithshme të OKB-së. Në këtë drekë tradicionale pune do të marrin pjesë kryeministri i Kosovës, Albin Kurti, kryeministri i Shqipërisë, Edi Rama, kryeministri i Maqedonisë së Veriut, Hristijan Mockoski, kryeministri i Malit të Zi, Milojko Spajiq, kryetarja e Këshillit të Ministrave të Bosnjë-Hercegovinës, Borjana Kristo, dhe presidenti i Serbisë, Aleksandar Vuçiq. Sesioni i Asamblesë së Përgjithshme të OKB-së do të ndiqet nga një delegacion i lartë i BE-së, përfshirë Borrellin dhe presidenten e Komisionit Evropian, Ursula von der Leyen. Gjatë kësaj jave, përfaqësuesit e BE-së do të përqendrohen në trajtimin e konflikteve dhe krizave globale.
