Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas miratimit të buxhetit të Komunës së Prishtinës për vitin 2025, në seancën e djeshme, shefi i grupit parlamentar i Lëvizjes Vetëvendosjes në Prishtinë, Gëzim Sveçla ka këputur mikrofonat nga foltoret. Lidhur me këtë akt vandal ka reaguar kryetari i Komunës së Prishtinës, Përparim Rama i cili, ka shkruar se e dënon ashpër sjelljen e Sveçlës, duke thënë ky akt është një goditje brutale ndaj vlerave institucionale dhe fyerje ndaj qytetarëve. Prej muajsh, asamblistët e Vetëvendosjes kanë bllokuar çdo iniciativë në të mirë të qytetarëve, duke përfshirë këtu edhe miratimin e buxhetit me qëllim që të krijojnë ngërç dhe të bllokojnë ofrimin e shërbimeve jetike për qytetarët. Sot, Vetëvendosje e demaskoi veten, duke dëshmuar se qëllimi i tyre i vërtetë ka qenë dhe mbetet: përdhosja e institucioneve dhe penalizimi i qytetarëve. Kërkojmë nga organet e rendit që ta trajtojnë këtë rast me seriozitet maksimal, tha kryetari i Komunës së Prishtinës, Përparim Rama
