Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komuna e Vitisë, konkretisht qeverisja lokale në këtë komunë po vazhdon ta trajtoj si prioritet fushën e shëndetësisë . Institucionet komunale vazhdimisht po punojnë në krijimin e kushteve sa më të mira në institucionet shëndetësore që menaxhohen nga vet ajo. Kryetari i komunës së Vitisë, Sokol Haliti foli për punën e komunës në fushën e shëndetësisë. “ Vetëm gjatë këtij viti është punuar shumë në krijimin e kushteve sa më të mira për pacientët vitias, por edhe për stafin mjekësor. Është bërë rivitalizimi i objekteve ekzistuese, furnizimi me aparatura të reja të nevojshme, gjithashtu kemi bërë edhe inventarizimin e të gjitha objekteve shëndetësore me inventar të ri”, u shpreh kryetari Haliti duke potencuar se shëndetësia mbetet prioritet i tij. Bëhet me dije se intervenime u bënë në ndërrimin komplet të kulmit të QKMF-së, suvatimin komplet të QKMF-së dhe urgjencës, ndërrimin e pjesshëm të kanalizimit të vjetruar, rregullimin e nyejve sanitare, rregullimin e ngrohjes qendrore si dhe funksionalizimin e saj. Gjithashtu, janë blerë aparatura të reja laboratorike për QMF-Pozharan dhe shërbimin e urgjencës. Megjithatë në QKMF-në e Vitisë, po punohet akoma brenda objektit të, saj por pritet që rivitalizimi i këtij objekti të përfundoj sa më parë. Gjithashtu përfaqësuesit komunal bëjnë me dije se do vazhdojnë punimet të tjera sipas planifikimit.
