leoni

Shënohet 20-të vjetori i të rënëve gjatë vitit 1999 në fshatrat, Celinë, Fortesë dhe Brstoc të Komunës së Rahovecit

26/03/2019 Institucionet

Në fshatrat Celinë, Fortesë dhe Brstoc të Komunës së Rahovecit, janë mbajtur tubime përkujtimore për tu shënuar 20-të vjetori i të vrarëve gjatë vitit 1999 në këto fshatra të cilët janë vrarë barbarisht nga paramilitarët serb. Në tubime ka marrë pjesë kryetari i komunës së Rahovecit, Smajl Latifi me bashkëpunëtor dhe familjar të të rënëve. “Sot e 20 vjet më parë, pushtuesi kriminal serb, duke mos kursyer asnjë person, vrau barbarisht martirë e dëshmorë shqiptarë në Celinë, Fortesë e Brestoc. Në Brestoc u vranë 49 shqiptarë, ku 6 prej tyre janë të pagjetur, qytetarë tanë që u vranë e masakruan veç pse ishin shqiptarë .Pastaj në Fortesë ishin 69 bashkëqytetarë tanë, të rinj e të moshuar, burra e gra, që mizorisht u privuan nga jeta. Njëjtë, okupatori serb veproi edhe në Celinë, duke vrarë 75 persona, në një masakër që tronditi gjithë botën”, ka thënë ndër të tjera kryetari Latifi. Në fjalimin e tij kryetari Latifi, ka vazhduar duke thënë se i kujtojmë me nderë, respekt e përulje të thellë të gjithë burrat, gratë, pleqtë e fëmijët që u ekzekutuan barbarisht nga makineria vrastare e pushtuesit serb. Jeta, vepra dhe gjaku i të rënëve janë baza dhe themeli i lirisë së Kosovës. Presim që të vendoset drejtësia e vonuar dhe të marrin dënimin e merituar kriminelët që na lanë pa më të dashurit tanë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara