leoni

SHËNOHET 22 VJETORI I TË VRARËVE GJATË VITIT 1999 NË FORTESË, CELINË E BRESTOC

25/03/2021 Institucionet

Gjatë ditës së sotme, Kryetari i komunës së Rahovecit Smajl Latifi me bashkëpunëtorë, kryetar të fshatrave, përfaqësues të OVL-së dhe familjarë të të rënëve, kanë bërë homazhe dhe nderime, për të shënuar 22 vjetorin e të vrarëve gjatë vitit 1999 në Fortesë, Celinë e Brestoc, të cilët u vranë barbarisht nga paramilitarët serb. Në fjalën e tij të mbajtur në fshatrat Fortesë, Celinë dhe Brestoc, kryetari i Komunës së Rahovecit, Smajl Latifi, tha se përjetësisht do të kujtohen me nderë, respekt e përulje të thellë të gjithë burrat, gratë, pleqtë e fëmijët që u ekzekutuan barbarisht nga makineria vrastare e pushtuesit serb. Jeta, vepra dhe gjaku i të rënëve janë baza dhe themeli i lirisë së Kosovës! Nuk do të heqim dorë asnjëherë nga përpjekja për të triumfuar drejtësia, e të marrin dënimin e merituar kriminelët që na lanë pa më të dashurit tanë. Gjatë luftë së vitit 1999 në fshatin Fortesë janë vrarë 69 martir, në fshatin Brestoc janë vrarë 49 martir, ndërsa në fshatin Celinë, janë vrarë 75 martir të cilët sot u përkujtuan për të 22-tën herë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara