Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në sallën e Kuvendit të Komunës së Rahovecit promovohet përmbledhja me kumtesa e fjalime për profesor Ukshin Hotin nga Shoqata për Ruajtjen dhe Kultivimin e Vlerave Kombëtare ‘’Arbëria. Në shenjë nderimi dhe respektimi të veprës së tij, Komuna e Rahovecit në bashkëpunim me Shoqatën për Ruajtjen dhe Kultivimin e Vlerave Kombëtare ‘’Arbëria’’, shënuan aktivitetet e organizuara për nder të 78-vjetorit të lindjes së intelektualit dhe veprimtarit të çështjes kombëtare, Ukshin Hoti. Aktivitetet kanë filluar me vizitë shtëpisë – muze të Ukshin Hotit në Krushë të Madhe, duke vazhduar pastaj me një ceremoni solemne në sallën e Kuvendit të Komunës për promovimin e përmbledhjes me kumtesa e fjalime për Ukshin Hotin, përgatitur nga Shoqata për Ruajtjen dhe Kultivimin e Vlerave Kombëtare ‘’Arbëria’’. Nga një fjalë rasti për nder të shënimit te 78- vjetorit të lindjes së atdhetarit Ukshin Hoti e mbajtën edhe kryetari i komunës së Rahovecit Smajl Latifi, Prof. Sabahajdin Cena dhe kryetari i Shoqatës për Ruajtjen dhe Kultivimin e Vlerave Kombëtare” Arbëria”, Dervish Çadraku.
