Kryetari i Komunës së Rahovecit, Smajl Latifi, në mesin e mësimdhënësve, të prindërve dhe të nxënësve, i shoqëruar nga drejtori i DKA-së, Avni Morina, mori pjesë në shënimin e Ditës së Shkollës së ShFMU “Rilindja” në Çifllak dhe ShFMU “Skender Kastrati” në Malësi të Vogël, të cilët kishin përgatitur një program të pasur kulturor e artistik, të shoqëruar me poezi, këngë e valle. Kryetari Latifi, Mësimdhënësit dhe nxënësit e këtyre shkollave i përgëzoi dhe i vlerësoi për të arriturat, duke i inkurajuar që të vazhdojnë edhe më tutje me suksese në procesin edukativo-arsimor. Urime për të gjithë mësimdhënësit dhe nxënësit, Dita e Shkollës!