leoni

Shënohet rasti i parë i thumbimit nga rriqrat në Malishevë

27/02/2017 Institucionet

Gjatë kësaj fundjave, është shënuar rasti i parë i thumbimit nga rriqrat në territorin e Komunës së Malishevës, për këtë vit. Kështu ka raportuar drejtori i Drejtorisë për Shëndetësi, Hajdin Berisha, në mbledhjen e rregullt të Këshillit të Drejtorëve. “Gjatë fundjavës, është shënuar edhe rasti i parë i thumbimit nga rriqrat, por është thjeshtë thumbim dhe nuk ka vend për shqetësim”, tha Berisha. Po ashtu Berisha, ka bërë të ditur se, si drejtori janë përgatitur dhe kanë marrë masat e nevojshme, brenda kompetencave, për fushatat si masa mbrojtëse ndaj etheve hemorragjike krime kongo (EHKK). Në tri vitet e fundit, në territorin e Komunës së Malishevës, nuk janë regjistruar raste të vdekjeve nga ethet hemorragjike krime kongo (EHKK), ndërsa në vitin 2016, nuk është regjistruar asnjë rast i infektimit me ethe hemorragjike krime kongo (EHKK).

 

Përndryshe në mbledhjen e rregullt të Këshillit të Drejtorëve, të drejtuar nga nënkryetari i Komunës së Malishevës, Raxhep Mazreku, u raportua për përgatitjet për fillimin e realizimit të projekteve, sipas listës së projekteve kapitale. Mirëpo për zhvillimin e procedurave të prokurimit, Komuna e Malishevës, është duke u përballur me probleme në sistemin e ri të prokurimit publik.

Drejtori për buxhet dhe financa, Vesel Krasniqi, gjatë raportimit të tij, i ka shfaqur dy probleme me të cilat është duke u përballur Malisheva, e para mosfunksionimi i mirë i sistemit elektronik të prokurimit publik, si dhe mos alokimi i mjeteve nga të hyrat vetenake, nga thesari në qendër, që sipas drejtorit Krasniqi, “kjo është shumë shqetësuese”.

Drejtori për administratë, ka njoftuar se është shtuar në masë të madhe numri i qytetarëve të cilët kërkojnë certifikata, por shërbimet komunale janë të përgatitura dhe ju ofrohen shërbime të shpejta dhe pa probleme të gjithë qytetarëve.

Drejtori i Arsimit, ka paraqitur edhe njëherë problemin e mbajtjes së teksteve mësimore të vjetra, në hapësirat e shkollave, kryesisht në çatitë e shkollave, pasi kjo mund të paraqes rrezik permanent dhe rrjedhimisht rrezikohet siguria e nxënësve në shkolla, mirëpo me gjithë kërkesat e vazhdueshme, MASHT-i ende nuk ju ka dhënë një sqarim drejtorive, se si të veprojnë për largimin e tyre, pasi ato tekste janë të MASHT-it.

Përndryshe në mbledhje të qeverisë komunale, u raportua për përgatitjet për shënimin e 5, 6 dhe 7 Marsit ditët e “Epopesë së UÇK-së” si dhe Ditës së Mësuesit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara