Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sherif Krasniqi, babai i dëshmorit të kombit Fatos Krasniqi, ka lëshuar një njoftim për opinionin publik me rastin e përvjetorit të 26-të të rënies heroike të djalit të tij. Në këtë njoftim, Sherif Krasniqi thekson se nesër, ditë e enjte, më 26 shtator, shënohet përvjetori i rënies së Fatos Krasniqit, i cili ra në luftë të drejtëpërdrejtë kundër forcave ushtarake serbe.
Në përkujtim të kësaj dite të rëndësishme, ai fton të gjithë ata që dëshirojnë të nderojnë veprën e lartë të dëshmorit që të marrin pjesë në homazhet që do të mbahen pranë memorialit të varrezave të dëshmorëve dhe të rënëve civilë “Pëllumbat e Lirisë” në fshatin Fatos (Negroc). Homazhet do të fillojnë në orën 11:45 dhe do të vazhdojnë deri në orën 12:45, ku do të përkujtohet sakrifica sublime e Fatos Krasniqit, i cili dha jetën e tij për lirinë dhe pavarësinë e Kosovës.
Sherif Krasniqi bën thirrje për pjesëmarrje të gjerë në këto homazhe, duke nënvizuar rëndësinë e nderimit të dëshmorëve të kombit dhe të kujtimit të sakrificave të tyre për lirinë e atdheut.
