SHFMU ,,Kuvendi i Verrave të Llukës” me objekt të ri

01/10/2020 Institucionet

Fshati Llukë e Epërme në komunën e Deçanit ishte nikoqir i pritjes së Ministrit të Arsimit dhe Shkencës, Ramë Likaj me bashkëpunëtorë si dhe kryetarit të Komunës Bashkim Ramosaj me kabinetin e tij qeverisës. Ani pse në kohë pandemie personeli i SHFMU ,,Kuvendi i Verrave të Llukës”  drejtoresha Besarta Tahirukaj, bashkë me mësimdhënësit, nxënës dhe prindër kanë bërë përurimin e objektit të ri të kësaj shkolle ku tashmë mbi 200 nxënës do ti vijojnë mësimet në kushte më të mira se deri më tani. Me këtë rast i pari i komunës së Deçanit Bashkim Ramosaj tha se: Në radhë të parë dua të falënderoi personelin e kësaj shkolle, banorët e fshatit Llukë e Epërme, drejtoreshën e kësaj shkolle të cilët në vazhdimësi kanë bërë përpjekje për rregullimin e shkollës për krijimin e kushteve më të mira për nxënës dhe mësimdhënës. Ndërsa Ministri Likaj tha se ndihem mirë që jam sot këtu në Llukën e pajtimit të gjaqeve në vendin e vlerave dhe të burrave të mëdhenj. Ne po përurojmë një objekt të ri, do të kujdesem që në këtë objekt të mos mungojnë edhe pajisjet e nevojshme për të gjitha kabinete, në mënyrë që të keni një shkollë të kompletuar tha Likaj, si për nxënës po ashtu edhe për mësimdhënës. Ndërsa Drejtoresha e kësaj shkolle Besarta Tahirukaj tha se: Ne sot po dëshmojmë se edhe pse në kohë sfidash, përballje me Covid 19, ecjen drejt shtigjeve të reja për dituri nuk e ndalim. Duke treguar për historikun e kësaj shkolle falënderoi banorët e fshatit Llukë, komunë e Deçanit, DKA-në dhe të gjithë ata të cilët kontribuuan në vazhdimësi për ngritjen e kësaj vatre diturie. Uroi që sa më shpejt kjo shkollë të kompletohet më kabinete të nevojshme për nxënës dhe mësimdhënës tha Tahirukaj. Në fund të kësaj ceremoni u ndan edhe mirënjohje për banorët e fshatit Llukë e Epërme të cilët kanë dhënë kontribut në vazhdimësi për shkollën.

Kontrolloni gjithashtu

39 pemëtar ferizajas përfitues të spërkatsëve profesionale

Mbështetja për bujqit dhe fermerët ferizajas po vazhdon. Në kuadër të skemës mbështetëse për bujqit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara