Shiu i rrëmbyeshëm ka shkaktuar dëme në disa pjesë të Skenderajt

05/06/2017 Institucionet

Shiu i rrëmbyeshëm dhe me stuhi që ka rënë gjatë fundjavës në Skenderaj ka shkaktuar dëme në disa lokacione të Skenderajt. Lakocionet më të dëmtuar janë Lagjja 3 në dy vendbanime, një pjesë e Lagjes 6 dhe disa dëme të vogla në disa fshatra. Edhe në disa rrugë të qytetit të Skenderajt si pasojë e reshjeve në sasi të madhe të shiut ka pasur pengesa në qarkullim për shkak të  grumbullimit të baltës dhe materialeve të forta që ka sjellë uji i rrëmbyeshëm. Më një herë pas reshjeve ekipet emergjente kanë dalë në terren për të vlerësuar situatën e krijuar. Sipas vlerësimeve të bëra, vetëm në Lagjen 3 uji ka shkaktuar dëme në 40 ekonomi familjare, ku përfshihen shtëpitë, objektet tjera përcjellëse, vetura, makina bujqësore, kopshte, kafshë shtëpiake dhe shpezë. Gjatë ditës menjëherë janë pastruar edhe disa rrugë të qytetit të cilat ishin mbuluar nga balta. Rrugët “Sala e Hamit Jashari”, “Fehmi e Xhevë Lladrofci” dhe “28 Nëntori”. Edhe nga disa fshatra janë raportuar dëme kryesisht në rrugët dhe në prona bujqësore. Sipas Drejtorisë së Shërbimeve Publike, gjatë gjithë ditës ekipet kanë punuar për të evidentuar dëmet kryesisht në qytet. Një vlerësim i përgjithshëm për dëmet e shkaktuar do të bëhet në ditët në vijim pasi të mblidhen të gjitha të dhënat për dëmet e shkaktuar.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara