Shoqata Ndërkombëtare e Testimit të Farërave organizon punëtori në Pejë

10/04/2019 Institucionet

Shoqata Ndërkombëtare e Testimit të Farërave (ISTA) ka organizuar punëtorinë tre ditore në Institutin Bujqësor të Kosovës në Pejë(IBK), i cili është edhe nikoqir i kësaj punëtorie, në të cilën do të diskutohet lidhur me rëndësinë dhe nevojat e laboratorëve të testimit të farërave. Në këtë punëtori po marrin pjesë përfaqësues të IBK-së, përfaqësues të laboratorëve nga Australia, Greqia, Suedia, Letonia, Irlanda dhe Norvegjia, dhe me këtë rast aty do të prezantohet dhe diskutohet edhe për parimet bazë të menaxhimit të cilësisë, për nevojat e laboratorëve të testimit të farërave, të cilat  duhet të jenë në përputhje me Standardin e Akreditimit të ISTA-s dhe të përgatiten për arritjen dhe mbajtjen e akreditimit të ISTA-s. Ndryshe, kjo punëtori ka filluar më 09 prill dhe do të zgjasë deri më 11 prill, ndërkaq kjo është hera e parë që ISTA ka organizuar seminar në vendet e Ballkanit Perëndimor. Po ashtu, Instituti Bujqësor i Kosovës gjatë këtyre ditëve do ta ketë edhe mundësinë e thellimit të bashkëpunimit me këtë organizatë për të hapur në këtë mënyrë edhe rrugën për anëtarësimin e IBK-së në këtë organizatë ndërkombëtare e po ashtu edhe akreditimin ndërkombëtar të Laboratorit të Kontrollit të Farërave të Institutit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara