Shoqëria Bjeshkatare Alpiniste “Lybeteni” me ecje për sensibilizimin kundër kancerit të gjirit

25/10/2021 Institucionet

Fundjavat tashmë janë bërë të zakonshme të spikaten me aktivitete të shumëllojta sportive në Ferizaj e më gjerë. E tillë është edhe ecja vetëdijesuese kundër kancerit të gjirit, në kuadër të muajit Tetor për sensibilizimin e kësaj sëmundje e që këtë vit u shënua me moton “Zbulimi i hershëm – shpëtim i jetës”. Ishte Shoqëria Bjeshkatare Alpiniste “Lybeteni” me organizatore Njomza Baftiu dhe grupi i saj, që me ecjen skaj Ujëvarave të Valbonës, përçoi këtë mesazh, aktivitet ky që u realizua me mbështetjen edhe të Komunës së Ferizajt. Siç shprehen edhe organizatorët, kjo ecje simbolike paraqet një kontribut të shoqërisë sonë në luftë kundër kësaj sëmundje e cila vazhdon të marrë jetë. Ecja u realizua në Parkun Kombëtar “Lugina e Valbonës” ku pjesëmarrësit përveç kontributit të tyre në këtë ecje përjetuan bukuritë e vjeshtës në natyrën e bukur të Parkut të Valbonës.

Kontrolloni gjithashtu

39 pemëtar ferizajas përfitues të spërkatsëve profesionale

Mbështetja për bujqit dhe fermerët ferizajas po vazhdon. Në kuadër të skemës mbështetëse për bujqit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara