Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sipas pas raportit gjashtëmujor financiar të publikuar nga Ministria e Financave në gjashtë muajt e parë të 2016-ës, për paga dhe meditje janë dhënë nga buxheti i shtetit 272 milionë euro. Këtyre shpenzimeve iu prin kabineti i kryeministrit, ku për të paguar stafin e Mustafës nga buxheti janë harxhuar 7 milionë euro, derisa me shpenzime i vjen afër edhe zyra e presidentit, ku i pari i shtetit Hashim Thaçi ka shpenzuar 2 milionë euro për rroga dhe paga vetëm për këta 6 muaj. Kurse Kuvendi Kosovës, ka shpenzuar për pagat e kryekuvendarit dhe të deputetëve 385 mijë euro. Ministritë që renditen në listën e shpenzimeve në paga për të punësuarit e saj është MPJ. Ky dikaster i udhëhequr nga Ministri Enver Hoxhaj ka shpenzuar nga thesari i shtetit 10 milionë euro, për tu pasuar nga MPB që ka shpenzuar në rroga 6 milionë euro. E numra milionësh vërehen edhe në MKRS, ku ministri Kujtim Shala për paga të stafit të tij ka harxhuar buxhetin e shtetit për 8 milionë euro.
