Shpërndahen edhe 40 makina spërkatëse për bujqit malishevas

15/02/2019 Institucionet

Në kuadër të programit të Komunës së Malishevës për përkrahje në bujqësi, janë shpërndarë 40 makina spërkatëse 400 litërshe, për 40 bujq të Komunës së Malishevës, të cilët kanë aplikuar dhe i kanë plotësuar kriteret, për të qenë përfitues. Në shpërndarjen e këtyre makinave, morën pjesë edhe nënkryetari i Komunës së Malishevës, Hajdin Berisha dhe drejtori i Drejtorisë për Bujqësi, Murat Hoxha. “Ne jemi duke bërë përpjekje që përmes projekteve ti përkrahim të gjithë qytetarët e Komunës së Malishevës, në këtë rast bujqit dhe ky është qëllimi ynë, që ti mbështesim të gjithë ata që punojnë, sidomos në bujqësi, Projektet tona do të vazhdojnë edhe në të ardhmen dhe bujqësia vazhdon të mbetet prioritet në investimet tona”, ka thënë nënkryetari Berisha. Drejtori komunal për bujqësi, Murat Hoxha, tha se i tërë projekti ka kushtuar 21 600 euro dhe është bashkëfinancim me përfituesit, ku komuna mbulon 70 % të shumës, ndërsa përfituesit 30 %. “Këto janë makina të mëdha, 400 litërshe, të cilat bujqit i përdorin për spërkatje”, tha Hoxha. Sipas tij, me këtë lloj të përkrahjes për bujqit, do të vazhdohet edhe në të ardhmen, me qëllim të stimulimit të punës në bujqësi dhe punimit të tokës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara