Shpresa Bajraktari: Krenari – 80 vjetori i çlirimit të Tiranës !

Krenari – 80-vjetori i Çlirimit të Tiranës!
17 nëntori 1944 është Dita e Çlirimit të Tiranës, kryeqytetit të Shqipërisë.
Është epopeja më e ndritur dhe e lavdishme e popullit shqiptar.
Prandaj ne jemi krenarë dhe mburremi me trimërinë e sakrificat e luftëtarëve tanë trima, që luftuan me heroizëm, jo për vete, por për të çliruar Tiranën nga pushtuesit e huaj!
Lufta për çlirimin e Tiranës ishte luftë frontale.
Është një nga luftërat më të mëdha, më të ashpra dhe më të suksesshme të UNÇL-së kundër pushtuesve!
Kjo betejë u krye sipas planit operativ-strategjik që përpunoi Komandanti i Përgjithshëm i UNÇL-së, Enver Hoxha.
Më 29 tetor 1944, me urdhër të Komandantit të Përgjithshëm, Gjeneral Kolonel Enver Hoxha, Divizioni I Sulmues nisi sulmin për çlirimin e Tiranës.
Luftimet për çlirimin e Tiranës vazhduan rrugë më rrugë, barrikadë më barrikadë dhe shtëpi më shtëpi. Një kontribut të madh në këtë luftë dhanë edhe qytetarët tiranas.
Si rezultat i kësaj lufte të ashpër dhe të suksesshme, më 17 nëntor 1944, në mëngjes, ra qëndresa e armikut.
Tirana, kryeqyteti i Shqipërisë, u çlirua.
Gjatë 19 ditëve që vazhduan luftimet, forcat gjermane lanë më tepër se 2,000 të vrarë, midis tyre edhe oficerë madhorë të identifikuar, si dhe shumë të plagosur. U zunë më tepër se 300 robër dhe një sasi e konsiderueshme materiali luftarak. Nga forcat partizane pati 417 të vrarë, që mbeten pishtarë të pashuar.
Këtë luftë e organizoi, e frymëzoi, e udhëhoqi dhe drejtoi Enver Hoxha dhe PKSH-ja, që e çliruan vendin me forcat e tyre pa ndihmën e ushtrisë së kuqe apo të tjerëve.
Lavdi 17 Nëntorit, Ditës së Çlirimit të Tiranës!
Lavdi 80-vjetorit të Çlirimit të Tiranës!
Lavdi dëshmorëve të LANÇ-it!
Lavdi Komandantit Strateg, Enver Hoxha!

Shpresa Bajraktari