Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama ka njoftuar sot mbërritjen në Stamboll të grupit të dytë të efektivëve të Forcave të Armatosura, pjesë e skuadrës shqiptare të kërkim – shpëtimit. Autoritetet shqiptare dërguan një ditë më parë një grup prej 54 personash me specialistë të kërkim-shpëtimit, mjekë dhe infermierë për të ndihmuar operacionet e kërkimit në zonat e goditura nga tërmeti shkatërrimtar në Turqi. “Sapo mbërriti në Stamboll edhe grupi i dytë i efektivëve të Forcave të Armatosura, pjesë e skuadrës shqiptare të kërkim – shpëtimi”, ka shkruar Rama në Facebook. Më shumë se 8.700 persona kanë humbur jetën, si pasojë e tërmetit shkatërrues prej 7.8 magnitudë që goditi Turqinë dhe Sirinë. Numri i të vdekurve është rritur për më shumë së 900, që kur për herë të fundit gjatë natës së kaluar autoritetet e atjeshme raportuan për situatën në terren.
