Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Tiranë ka ardhur për vizitë presidenti i Emirateve të Bashkuara Arabe, Mohamed bin Zayed Al Nahyan. Delgacioni i lartë i këtij shteti, është pritur nga autoritetet më të larta të Shqipërisë. Delgacioni i nivelit të lartë të Emirateve të Bashkuara Arabe, i udhëhequr nga presidenti, Mohamed bin Zayed Al Nahyan u nderua në një ceremoni mirëseardhjeje në Pallatin e Brigadave për të vazhduar më tutje me një takim kokë me kokë me kryeministrin e Shqipërisë, Edi Rama. Gjatë takimit mes tyre është nënshkruar një marrëveshje bashkëpunimi mes Republikës së Shqipërisë dhe Emirateve të Bashkuara Arabe. Në kuadër të kësaj vizite u shkëmbyen marrëveshjet e nënshkruara të bashkëpunimit mes palëve, konkretisht:
-Marrëveshja Kuadër për Veprim mes Masdar, TAQA, KESH dhe OST, që u shkëmbyen mes Zëvendëskryeministres dhe Ministres së Infrastrukturës dhe Energjisë Belinda Balluku, si dhe kryetarit të MASDAR Sulltan Al Jaber.
– Letër Angazhimi për Projektin Albania Smart City ndërmjet “Presight AI Ltd” dhe Ministrisë së Brendshme e Republikës së Shqipërisë, të shkëmbyera mes Ministrit të Brendshëm Ervin Hoxha dhe Kryetarit të “Presight AI Ltd” Sulltan Al Jaber.
