Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shqipëria sot shënon 14-vjetorin e anëtarësimit zyrtar në NATO. Anëtarësimi më 1 prill 2009 është një ndër ngjarjet më të rëndësishme jo vetëm për Shqipërisë, por për të gjithë kombin shqiptar. Përmes një mesazhi në rrjetet sociale, kryetari, Bajram Begaj, ka kujtuar këtë ditë, duke theksuar se Shqipëria është krenare që kontribuon për paqen dhe sigurinë. Ndihemi krenarë që jemi pjesë e aleancës më të fuqishme dhe më të suksesshme në botë! që jemi kontribues për paqen dhe sigurinë, shkruan kryetari, Bajram Begaj. Gjatë regjimit komunist Shqipëria ishte pjesë e Traktatit të Varshavës, blloku ushtarak i vendeve komuniste të Evropës, ku ishte anëtarësuar që në vitin 1955, ndërsa u largua nga ky bllok në vitin 1968. Pas përmbysjes së regjimit komunist në vitin 1991, në vend u përcaktua orientimi euro-atlantik, duke fikkuar edhe procesi i anëtarësimit në organizatat dhe nismat ndërkombëtare. Procesi i anëtarësimit të Shqipërisë në NATO ka kaluar në disa faza dhe zhvillime, që fillojnë në vitin 1992, me pranimin e vendit zyrtarisht në Këshillin e Bashkëpunimit të Atlantikut të Veriut, që ishte organizmi i parë që krijoi Aleanca për të ndërtuar marrëdhëniet me shtetet që dolën nga regjimet komuniste në Evropën.
