Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shtatë qytetarë të vendit tonë janë lënduar nga mjetet piroteknike, dhe një person tjetër nga plumbi qorr gjatë festës së ndërrimit të moteve, ka konfirmuar mjeku kujdestar në Klinikën Emergjente në Qendrën Klinike Universitare të Kosovës, Agron Çitaku. Sipas tij, tre prej tyre janë duke u trajtuar në Klinikë, kurse të lënduarit tjerë janë liruar për në shtëpi. “Megjithatë janë të pranishme këto raste, kemi diku shtatë raste të lënduar me mjete piroteknike dhe një të plagosur nga plumbi qorr. Gjendja e tyre, pjesa dërmuese janë në shtëpi, tre jemi duke i trajtuar. I lënduari nga plumbi qorr, është në regjionin e krahut”, theksoi Çitaku. Gjatë muajit dhjetor në disa komuna është ndaluar me ligj hedhja e fishekzjarreve dhe përdorimi i tyre në vende publike, teksa është bërë thirrje nga autoritetet që të ketë kujdes në përdorimin e tyre.
