Shtimja përkujton dëshmorët e UÇK-së që ranë në kufi duke bartur armatim

15/12/2016 Institucionet

Në 18-vjetorin e rënies heroike të dëshmorëve të komunës së Shtimes: Ramadan Elshani, Fadil Rashiti, Kadri Ademaj, Xheladin Xheladini, Arben Hyseni, Hafir Bajrami, Afrim Musliu dhe Selim Selimi, në Polac, u vendosën lule dhe kurora nga strukturat udhëheqëse të komunës së Shtimes, në krye me nënkryetarin Fatmir Rashiti. Në homazhe dhe vendosje të kurorave me luleve morën pjesë familjarët e dëshmorëve, Organizatat e dala nga Lufta e UÇK-së dhe bashkëluftëtarë të dëshmorëve.

Dëshmorët e rënë të komunës së Shtimes, më 14 dhjetor të vitit 1998, në vendin e quajtur “Likenet e Hasit”, në krye me komandantin, Mujë Krasniqi, kishin rënë në pritë të forcave policore dhe ushtarake serbe derisa po bartnin armatim nga Shqipëria.

Më 21 dhjetor të vitit 1998, trupat e 35 dëshmorëve, bashkë me komandantin Mujë Krasniqi, bashkëluftëtarët i varrosin në Polac të Drenicës, me nderime ushtarake, ku edhe tani pushojnë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara