Seanca e jashtëzakonshme e Kuvendit të Kosovës, për rastin e vdekjes në burg të aktivistit të Vetëvendosjes, Astrit Dehari, nuk do të mbahet më 14 dhjetor, sikur ishte paralajmëruar. Shtyrja e kësaj seance për një kohë tjetër është kërkuar nga vetë Lëvizja Vetëvendosje. Nënkryetarja e Kuvendit, Aida Dërguti, i ka kërkuar mirëkuptim kryetarit të Kuvendit, Kadri Veseli, që seanca e paralajmëruar nga ai dhe Grupi Parlamentar i PDK-së për vdekjen e Astrit Deharit, të mbahet në një kohë tjetër, pasi më 14 dhjetor, deputetët e Lëvizjes Vetëvendosje, Albin Kurti dhe Albulena Haxhiu kanë një proces gjyqësor. Ndërkohë bëhet e ditur se kërkesa e Vetëvendosjes për shtyrjen e seancës është marrë para sysh dhe pritet që ndërkohë të caktohet data e mbajtjes së seancës së Kuvendit lidhur me vdekjen e Astrit Deharit.
![Kuvendi i Kosovës](https://www.radiokosovaelire.com/wp-content/uploads/kuvendi-1-shtator-660x330.jpg)