Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sindikata e Aeroportit Ndërkombëtar “Adem Jashari” e ka fajësuar kompaninë menaxhuese “Limak” për tollovinë e shkaktuar pasditen e të premtes. Kryetari i kësaj sindikate, Bashkim Latifi, potencon se kjo tollovi ka ndodhur për shkak të numrit të vogël të punëtorëve dhe mos përgatitjes së “Limak-ut” për fluks të madh të fluturimeve. Sipas Latifit arsyeja e pritjeve të gjata është fakti se janë vetëm dy punonjës në shërbimin e ‘’check-in’’. Mes tjerash në kumtesë thuhet se Sindikata e kishin paralajmëruar një gjë të tillë më herët, por sipas tyre menaxhmenti i Aeroportit i ka injoruar. Ndryshe, një punëtor i Aeroportit Ndërkombëtar të Prishtinës “Adem Jashari”, është sulmuar sonte derisa ishte në detyrë në shërbim të udhëtarëve. Lajmin e ka bërë të ditur zëdhënësja e ANP-së, Valentina Gara, e cila ka dënuar këtë akt të ulët.
