Sindikata e Policisë kundërshton rritjen e ulët të pagave nga Qeveria

Sindikata e Policisë së Kosovës, ka shprehur kundërshtimin e saj ndaj vendimit të Qeverisë për rritjen e pagave në sektorin publik, duke e cilësuar shumën e propozuar si të pamjaftueshme. Në një reagim, SPK thekson se rritja e pagave nuk përputhet me nevojat reale të punonjësve, duke marrë parasysh inflacionin, rritjen e çmimeve dhe nivelin e pagave në vendet e rajonit. SPK e përshëndet çdo vendim për rritje pagash dhe mbështet idenë e një rritjeje lineare për të gjithë punonjësit. Ata kërkojnë që rritja e pagave për vitin 2025 të realizohet në dy faza: e para në janar me një koeficient dhe e dyta në qershor me një koeficient shtesë. Kjo do të sigurojë një mbështetje më të qëndrueshme ekonomike për punonjësit, duke i ndihmuar ata të përballen me rritjen e kostos së jetesës dhe të përmirësojnë standardet e tyre të jetesës.

Kontrolloni gjithashtu

Mesazhi i Pashkëve Katolike: Nuk duam vetëvrasjen e kombit

Besimtarët e krishterë po urohen nga autoritetet më të larta për Festën e Pashkëve

Autoritetet më të larta të vendit, kanë uruar besimtarët e krishterë për Festën e Pashkëve. …