Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sindikata e Policisë së Kosovës ka njoftuar se 50 policë kanë dhënë dorëheqje këtë vit për shkak të pagave dhe kushteve. Kryetari i Sindikatës së Policisë së Kosovës, Imer Zeqiri ka thënë se janë shqetësuese dorëheqjet vullnetare në Policinë e Kosovës. “Deri më tani, vetëm brenda këtij viti, kemi rreth 50 dorëheqje, e që vazhdimisht kam informacione, çdo të tretën ditë, së paku kemi nga një dorëheqje, dhe shumica dorëheqjeve janë nga shkaku i kushteve jo të mira, dhe shkaku i një page që nuk i mbulon shpenzimet për të siguruar ekzistencën për një familje së paku katër anëtarësh. Ai ka thënë për Kosovapres se rreth një muaj më parë e kemi dërguar një peticion i cili është organizuar nga sindikata, e kemi dërguar në Kuvend, dhe një kopje tek Avokati i Popullit. “Ne po presim një reflektim nga institucionet shtetërore, qoftë nga presidentja, kryeparlamentari dhe Qeveria. Ky peticion do të aktualizohet në fillim të shtatorit për shkak të pushimeve” ka theksuar kryesindikalisti i Policisë së Kosovës, Imer Zeqiri.
