Sipas KKSB-së viti 2020 është me rënie të rasteve për 20 % krahasuar me vitin e kaluar

07/12/2020 Institucionet

Këshilli Komunal për Siguri në Bashkësi, në mbledhjen e pestë të rregullt ka vlerësuar situatën e sigurisë në komunën e Vitisë të qetë dhe stabile. Kryesuesi i mbledhjes, zëvendëskryetari i komunës së Vitisë Hasan Aliu, fillimisht ka njoftuar anëtarët e këtij këshilli me situatën momentale me COVID 19 dhe ka theksuar se Institucionet komunale të Vitisë në përgjithësi kanë qenë të angazhuara që të kenë në menaxhim gjithë resorët komunal për ofrim të shërbimeve ndaj qytetarëve. Komandanti i stacionit policor në Viti, kapiten Afrim Halili, duke paraqitur statistikat e këtij viti, ka thënë se konstatim i përgjithshëm është se viti 2020 është dukshëm më i qetë dhe me ulje të rasteve për 20 %, në krahasim me periudhën e njëjtë të vitit të kaluar. Sa i përket aksidenteve me fatalitet, ai tha se vitin e kaluar kanë qenë 6 raste kurse këtë vit janë shënuar 2 aksidente me fatalitet. Gjithashtu edhe te rastet e vjedhjeve janë shënuar rënie, që do të thotë se bashkëpunimi me qytetarë ka bërë që të ketë efikasitet në ulje të numrit të rasteve të vjedhjeve dhe rasteve të tjera, ka thënë kapiteni Halili. Kryetari i komunës Sokol Haliti, duke folur për angazhimet komunale në menaxhim të pandemisë, është shprehur se kanë qenë të përkushtuar që planifikimet infrastrukturore të realizohen, e njashtu edhe shërbimet për qytetarë të jenë në nivel. Ai ka falënderuar gjitha mekanizmat që janë pjesë e KKSB-së, për kontributin e dhënë në punën e KKSB-së. Ndërkaq, anëtarët e KKSB-së Xhemajl Hasani, Imri Emërllahu, Adnan Zenuni, Bujar Ostërgllava e Husamedin Hoxha, kanë parashtruar kërkesat e tyre që janë edhe shqetësim i qytetarëve e që kishin të bënin me sigurinë në trafik, problemin e lypsarëve në rrugë, mbarëvajtjen e procesit mësimor, vendosjen e një pritore për udhëtarët e fshatit Skifteraj, në rrugën Gjilan-Ferizaj, për dukurinë e qenve endacak, si dhe për sjelljet e disa policëve ndaj qytetarëve. Një takim të fundit për këtë vit, udhëheqësit dhe anëtarët e KKSB-së u dakorduan ta mbajnë nga data 28 apo 29 dhjetor.

Kontrolloni gjithashtu

Këshilli i Bashkësisë Islame në Deçan, organizoj tryezën me temën “Roli i fesë në shoqërinë bashkëkohore”

Këshilli i Bashkësisë Islame në Deçan, organizoj të premtën tryezën me temën “Roli i fesë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara