Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Hajrullah Tërnava, ekspert i sigurisë, ka deklaruar se zanafilla e krimeve është nëpër institucione. Sipas raportit zyrtar të Policisë së Kosovës në pesë muajt e fundit kanë ndodhur rreth 30 vrasje. Tërnava ka thënë se situata në të cilën gjendet Kosova është shqetësuese, sa i përket rritjes së numrit të vrasjeve. Zanafilla e krejt këtyre vrasjeve është te një kohë në këtë sistem që institucionet e shtetit janë mjaft të kriminalizuara dhe në krye të tyre janë punësuar njerëz, me të njohur. Nuk luftohet krimi ashtu siç duhet, sa njeri ka armë pa leje, ku po i marrin ata. Megjithatë, ai nuk i lë në faj vetëm dorasit të cilët e kryejnë krimin. “Nuk po ndodhin rastësisht por edhe fajin nuk po ia lë vetëm vrasësit, sepse ai është dashur të jetë në burg për veprat që nuk është dënuar dhe ta kishte përjetuar atë burg ashtu siç duhet, dhe nuk do të kishim rastin që të dëgjojmë që ai prapë po bën vepër, po bëhet recidivist, po i vazhdon veprat e vrasjes”, ka thënë, z Tërnava. Shkaqet e vrasjeve vijnë nga ndikimi i drogës. Krimet e rëndomta që po kryhen janë nga shkaqet si vjedhja, shitja dhe shpërndarja e drogës, mashtrimi, haraçi, paratë me fajde e të tjera, saktësoi eksperti i sigurisë, Hajrullah Tërnava.
