Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Veprimtari dhe analisti politik, Skënder Kapiti vlerëson se “më entuziastët për Gjykatën Speciale janë, jo pak shqipfolës nostalgjikë të ish-regjimit serb, disa media dhe disa gazetarucë e gazetarica, shumë prej perfituesve “paqësorëve” të 3%-it, si dhe dështakët, politikanët xhelozë të ulët dhe egoistë, të cilët nuk mundën të bëjnë karrierë politike, pushteti e korrupsioni dhe për hakmarrje fabrikojnë dhe përhapin shpifje mediatike dhe të kafeneve. Ka edhe nga ata hipokritët të cilët janë më të rrezikshmit, e këta janë nostalgjikët e së kaluarës së vdekur të titizmit e komunizmit, të cilët janë strehuar dhe shpërndarë nëpër parti politike, nëpër media të Kosovës dhe nëpër diasporë. Ata me hipokrizi deklarohen sikur duan ndëshkimin vetëm të ish-komandantëve të luftës por që me zemrën dhe me shpirtin e tyre të prishur urrejnë edhe çdo luftëtar të UÇK- së, pasi lufta e saj dhe e NATO-s ua ka prishur atyre rehatinë dhe kumbarinë me serbët. Këta sot më së shumti janë më entuziastët për Gjykatën Specialen të cilët dalin hapur nëpër disa media me shkrime dhe opinione urrejtjeje kundër gjoja krimeve politike të para e të pas luftës, por që realisht këtë urrejtje e kanë kundër tërë Luftës së UÇK-së.
