Sot, në 25-vjetorin e përjetësimit, ruaj kujtimet më të mira për kolegun tim të dashur të studimeve e të të njëjtit profesion, Mentor Krasniqin nga Bukoshi, ku përveçse kemi banuar bashkë, kemi bashkëvepruar si të organizuar në kuadër të LKÇK-së e më pas edhe në UÇK.
Heroi Mentor Krasniqi përherë do të kujtohet si luftëtar trim dhe djalë i zoti, i cili qe në rreshtat e parë të UÇK-së dhe në vijat më të nxehta të zjarrit, luftëtari që bëri stërvitjen e ushtarëve e u dëshmua për guxim dhe vendosmëri deri në ditën e përjetësimit, më 2 qershor 1999, ku u stolis me kurorën e lavdisë, për shkak të plagëve të rënda që mori në luftimet mbinjerëzore të zhvilluara një ditë më parë në betejën e njohur të Bukoshit.
Drita e veprës dhe gjakut të Mentorit, si dhe e të gjithë luftëtarëve që ranë me pushkë në dorë, ndriçon rrugën për brezat që duan t’i shërbejnë atdheut dhe kombit.
E pavdekshme është vepra atdhetare e Heroit Mentor Krasniqi!
Lavdi!
![](https://scontent.fprn4-1.fna.fbcdn.net/v/t39.30808-6/447667393_1010406913778684_2749600882294840512_n.jpg?stp=dst-jpg_s600x600&_nc_cat=108&ccb=1-7&_nc_sid=5f2048&_nc_ohc=48Sd4rK4SD4Q7kNvgHUvi88&_nc_ht=scontent.fprn4-1.fna&oh=00_AYAvbBdV8lwRJkIYelHCDIW0an3j7ceCcAIVBgXevERrig&oe=6662A245)
![](https://scontent.fprn4-1.fna.fbcdn.net/v/t39.30808-6/447479341_1010406783778697_5612014258828401788_n.jpg?stp=dst-jpg_s600x600&_nc_cat=102&ccb=1-7&_nc_sid=5f2048&_nc_ohc=uDp9KBYwzywQ7kNvgETQ4sA&_nc_ht=scontent.fprn4-1.fna&oh=00_AYAlKlV0hD9XNU7teVgC9wG_W6-UPmQI5vre7Y1bJsK8xA&oe=66626EFD)